សេចក្តីថ្លែងការណ៌ អំពីសកម្មភាពប្លន់គេហទំព័រសម្តេចតេជោwww.samdechhunsen.gov.kh
07-May-2016 | ដោយ មែន កំសត់
ភ្នំពេញ៖ នៅថ្ងៃទី ០៧ខែឧសភាឆ្នាំ២០១៦ ម៉ោងប្រមាណ ០៤និង១២នាទីព្រឹក មានក្រុមក្រុមចោរប្លន់វេបសាយ (Hacker) បានចូលមកប្លន់ (Hacked) វេបសាយ សម្តេចតេជោ ហ៊ុន សែន www.samdechhunsen.gov.kh ដោយបានលួចប្តូររូបភាព និងបានលួចប្តូរដាក់សារសម្លេងជាភាសាខ្មែរតាមទ្រង់ទ្រាយ HACKER ដែលបានបំផ្លាញកិត្តិយសសម្តេចនាយករដ្ឋមន្ត្រីនៃព្រះរាជាណាចក្រកម្ពុជា ព្រមទាំងបង្កការរំខាន និងធ្វើអោយបាត់បង់ទិន្ន័យមួយចំនួនធំក្នុងនៅក្នុងវេបសាយផងដែរ។
សម្តេចតេជោ ហ៊ុន សែនបានលើកឡើងផងដែរថា៖ នេះជាបទឧក្រិដ្ឋផ្នែកព័ត៌មានវិទ្យា ដែលជនល្មើសបានប្រព្រឹត្តិដោយចំហរមកលើទំព័រផ្លូវការរបស់ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។ ភស្តុតាងទាំងនេះ គឺជាទង្វើមិនអាចប្រកែកបានរបស់ក្រុមបក្សប្រឆាំងដែលតែងតែរិះរកវិធីទុច្ចរិត គម្រក់ៗគ្រប់យ៉ាងធ្វើការវាយប្រហារមកលើ សម្តេចតេជោ ហ៊ុន សែន។ ជនល្មើសទោះបីមានប្រភពមកពីណាក៏ដោយ គឺត្រូវទទួលខុសត្រូវចំពោះមុខច្បាប់ជាតិ និងអន្តរជាតិ។
នៅពេលនេះ ក្រុមជំនាញស្រាវជ្រាវឧក្រិដ្ឋកម្មព័ត៌មានវិទ្យា (IT Crimes) របស់រាជរដ្ឋាភិបាលកម្ពុជា កំពុងស្រាវជ្រាវរកប្រភពជនល្មើស HACKER យកមកផ្តន្ទាទោសតាមច្បាប់ជាធរមាន៕
ចំនួនអ្នកទស្សនា
- ថ្ងៃនេះ4371
- ម្សិលមិញ20231
- សប្តាហ៍នេះ83451
- ខែនេះ105331
- ឆ្នាំនេះ105331
- សរុប20547787